Ўтган дам олиш кунлари хорижда тўп сураётган бир қатор ўзбекистонлик футболчилар ўз жамоалари сафида майдонга тушишди.
РОССИЯ
«Краснодар» клуби шарафини ҳимоя қилаётган Ўзбекистон миллий терма жамоаси ярим ҳимоячиси Одил Аҳмедов, 23 октябрь куни Европа Лигаси гуруҳ босқичи, 3-тури доирасида ўз майдонид «Вольфсбург» клубига қарши майдонга тушди. Ўйинда тўлиқ 90 дақиқа ҳаракат қилган Аҳмедов жамоасининг иккинчи голига ассистентлик қилди. Ўйинда Краснодар ўз 2:4 ҳисобида мағлубиятга учради.
Москванинг «Локомотив» клуби аъзоси Виталий Денисов мазкур турда сафарда «темирйўлчилар» сафида «Спартак» клубига қарши Москва дербисида майдонга тушди. Ўзбекистонлик ҳимоячи учрашувда тўлиқ 90 дақиқа ўйнади. Ўйин эса, 1:1 ҳисобидаги дуранг билан якунига етди.
Премьр-Лига дебютанти - «УФА» клуби сафида ўйнаётган ўзбекистонлик ярим ҳимоячи Вагиз Галиулин, мазкур турда ўз майдонида чемпионат пешқадамларидан бири Москванинг ЦСКА клубига қарши ўйинда асосий таркибда майдонга тушди. Галиулин мазкур учрашувда 90 дақиқа ҳаракат қилди. Ўйин эса 3:3 ҳисобидаг жанговар дуранг билан тугади.
ЖАНУБИЙ КОРЕЯ
26 октябрь куни Жанубий Корея К-Лигасида 33-тур баҳслари бўлиб ўтди. «Сеонгнам» клубида ўйнаётган Ўзбекистон миллий терма жамоаси сардори Сервер Жепаров мазкур турда ўз майдонида «Ульсан» клубига қарши майдонга тушди. Ўзбекистон миллий терма жамоаси сардори мазкур учрашувда ҳам ўз ҳисобига гол ёзиб қўйди, аммо унинг жамоаси якунда ўз даврозасидан иккита гол ўтказиб мағулбиятга учради. Жепаров ўйиннинг 57-дақиқасида рақиб дарвозасини пенальтидан ишғол этган. Ўйин 3:4 ҳисобида Сеонгнам клубининг мағлубияти билан якунланди.
БАА
23 октябрь куни БАА Про-Лигасида 6-тур ўйинларига старт берилди. Дубайнинг «Аш Шабоб» клубида тўп сураётган Ўзбекистон миллий терма жамоаси ярим ҳимоячиси Азиз Ҳайдаров мазкур турда ўз жамоаси сафида сафарда «Ал Шаржа» клубига қарши асосий таркибда майдонга тушиб ўз голи билан жамоасининг ғалабасига ҳисса қўшди. Ҳайдаров учрашувнинг 90-дақиқасида рақиб дарвозасига гол уриб якуний ҳисобни ўрнатди. Ўйин 4:2 ҳисобида «Аш Шабоб» ғалабаси билан якунига етган.
Манба: www.the-uff.com
