Германия терма жамоаси ҳамда “Бавария” клуби дарвозабони Мануэль Нойер, Мадриднинг “Реал” клуби ҳужумчиси Криштиану Роналду ва “Барселона” ҳужумчиси Лионель Месси FIFA “Олтин тўп”ига талабгорлар учталигига киришди. Ушбу мукофот 2014 йилнинг энг яхши футболчисига топширилади.
Аввал хабар берилганидек, ғолиб 2015 йили 12 январ куни Цюрихда бўлиб ўтадиган маросимда аниқланади. Ўтган йили “Олтин тўп”ни Криштиану Роналдуга топширилган бўлса, ундан олдин тўрт марта кетма-кет Мессига насиб этган эди.
vesti.ru
