Жан-Клод Ван Дамм қачонлардир унга шон-шуҳрат олиб келган “Кикбоксер” фильмининг янги версиясида суратга тушмоқда.
Аслини олиб қараганда бу фильм актернинг ижодий ҳаётида бурилиш нуқтаси бўлган. Сўнгги йилларда Ван Даммни бюджети кичкина фильмларда кўриш мумкин эди. У иштирок этган ва энг овоза бўлган сўнгги фильм 2012 йилдаги “Шиддатли” бўлганди.
Режиссёр Жон Стокуэллнинг “Кикбоксер” фильмининг янги версиясини суратга олиши ҳақида бир неча ой олдин маълум бўлди, бироқ Ван Дамм фамилияси ҳали фильм актерлари рўйхатига киритилмаган.
