my5
all

Германиялик мутахассислар ёш фермерларни мураббийликка тайёрлади (Фото)

ЖАМИЯТ 18.07.2019, 12:10
Теглар: Фото
1691
Германиялик мутахассислар ёш фермерларни мураббийликка тайёрлади (Фото)

2019 йилнинг 7 май куни Ўзбекистон ёшлар иттифоқи Марказий Кенгашида Германия Федерациясининг Халқаро ҳамкорлик бўйича Жамғарма кассалари фонди, Ўзбекистон ёшлар иттифоқи, “Агробанк”АТБ, “Халқ банки” АТБ ва “Микрокредитбанк” АТ банклари ўртасида ўзаро ҳамкорлик келишуви имзоланган эди.

Мазкур келишувга асосан Германиялик мутахассислар томонидан Ўзбекистон ёш фермерлари Кенгаши ва банк ҳодимлари мураббий сифатида ўқитилиши белгиланган. Келишувнинг биринчи босқичига кўра биринчи семинар жорий йилнинг 20-24 май кунлари бўлиб ўтган бўлса, иккинчи семинарга 9 июль куни старт берилди. 25 нафардан иборат Ўзбекистон ёш фермерлари Кенгаши ва банк ходимлари 9-17 июль кунлари давомида Германиядан ташриф буюрган илғор мутахассислар Наташа Мундингер ва Биргит Фламма томонидан ўқитилди.

Ўқиш жараёнида иштирокчиларга турли хил бизнес ўйинлар орқали уларнинг молиявий саводхонлигини ошириш, жамғариш (омонат) ҳамда кредитнинг афзаллик ва камчиликлари, банк ва истеъмолчи ўртасидаги алоқаларда Германия тажрибаси, бюджетни режалаштириш, тадбиркорлик ёки фермерлик фаолиятини бошламоқчи бўлган ёшлар, ёш фермер, деҳқон ва томорқа ер эгалари ҳаётида банкнинг ўрни ҳамда кредитдан тўғри ва мақсадли фойдаланиш тартиблари амалий мисоллар ёрдамида ўргатилди.

Семинар якунида халқаро экспертлар, лойиҳа координаторлари, бир гуруҳ Ўзбекистон ёш фермерлари кенгаши аъзолари, банк ходимлари ҳамда оммавий ахборот воситалари ходимлари иштирок этди. Машғулотлар давомида фаол қатнашган ва яхши ўзлаштирган иштирокчиларга сертификатлар топширилди.

Шунингдек, келишувнинг иккинчи босқичига асосан, 30 июнь – Ёшлар куни муносабати билан ташкил этилган Тошкент вилоятининг Ёшлар марказида Жамғарма кассалари фонди томонидан “Ёш фермерлар инновацион маркази” ҳам ўз фаолиятини бошлади. Бу каби марказлар яқин кунларда Жиззах, Самарқанд вилоятларида кейинчалик эса мамлакатимизнинг барча вилоятларида ташкил этилиши режалаштирилган.

Шарҳлар

Сирдарёдан махсус репортаж: Халқ артистлари халқ хизматига келди… (Фото)

23.05.2020, 12:43

Бугун кўнгилларни обод қиламан деган ҳар кимнинг йўли Сирдарё вилоятига туташиши аниқ. Техноген офат чин маънода бутун миллатни оёққа турғизди, бир тан-у бир жон бўлишга...
Президент Сардобада: 1480 хонадондан иборат 37 та уйнинг пойдеворига тамал тоши қўйилди (фото ва видео)

15.05.2020, 14:27

 Ўзбекистон Республикаси Президенти Шавкат Мирзиёев 15 май куни Сирдарё вилоятига келди.Маълумки, жорий йил 1 май куни Сардоба сув омбори тўғонининг бир қисми ўпирилиб, ёндош туманлардаги...
Шимоли-ғарбий ҳарбий округ ҳарбийлари сирдарёликларга ёрдам беришни бошлади (Фото)

05.05.2020, 12:22

3 май куни Шимоли-ғарбий ҳарбий округдан 300 нафардан ортиқ ҳарбий хизматчилар ҳамда 20 га яқин ҳарбий ва махсус техника Сирдарё вилоятининг Сардоба сув омборида содир...
Қашқадарёда фотоқопқонга тушган қор қоплонининг суратлари эълон қилинди

29.04.2020, 12:46

Қашқадарё вилояти Ҳисор давлат қўриқхонасига  ўрнатилган фотоқопқонга қор қоплонининг ноёб кадрлари тушиб қолди.Қор қоплони Ўзбекистоннинг юқори қор тизмаларида яшовчи жонивор бўлиб, сайёрадаги ҳайвонот оламининг камёб турларидан бири...
Кун мавзуси: коронавирус
Об-ҳаво: Ташкент
+25° ясно
Валюта курси
10173.38
USD 0.62
11411.48
EUR 43.42
145.97
RUB -0.42