Ўзбекистон Республикаси Президенти Шавкат Мирзиёев Туркий кенгашнинг навбатдаги саммити тадбирларида иштирок этиш учун Боку шаҳрига етиб келди.
Олий мартабали меҳмонни Озарбайжон Бош вазирининг биринчи ўринбосари Ёқуб Аюбов, Ташқи ишлар вазирлиги раҳбарияти ва бошқа расмий шахслар кутиб олгани хабар қилинган эди.
Озарбойжон Телеграф агентлиги – АзерТАжнинг хабар беришича, шу куннинг ўзида мамлакатимиз раҳбари Озарбойжон Республикаси Президенти Илҳом Алиев билан учрашган.
Саммитнинг асосий тадбирлари 15 октябрга мўлжалланган. Ташриф доирасида президент қатор икки томонлама учрашувлар ўтказади.
