2018 йилнинг 15 декабрь кун Белоруссия Республика ёшлар иттифоқи (БРЁИ) ва Ўзбекистон ёшлар иттифоқи ўртасида ҳамкорлик тўғрисида муморандум имзоланганди. Ушбу меморандумнинг асосий мақсади – Беларус ва Ўзбекистон ёшлари ўртасида ўзаро алоқаларни ўрнатиш ва ривожлантириш.
2019 йилнинг 5-9 август кунлари эса Белоруссиянинг Минск шаҳрида «I Беларус-Ўзбекистон IT форуми» бўлиб ўтди. Унда БРЁИ ва Ўзбекистон ёшлар иттифоқи вакиллари ахборот-коммуникация соҳасида ҳамкорликни ривожлантириш бўйича йўл харитаси имзоладилар.
Икки мамлакатнинг ёшлар ташкилотлари ўртасидаги ҳамкорликни давом эттириш ва ривожлантириш, шунингдек, Ўзбекистон Республикаси ва Беларус Республикаси Бош вазирлари томонидан 2018 йилнинг 2 ноябрь куни тасдиқланган режани амалга ошириш мақсадида 2019 йилнинг 18-23 ноябрь кунлари Ўзбекистонда «II Ўзбек-Беларус ёшлар IT форуми»ни ўтказиш режалаштирилди.
Форум олтита сессияни ўз ичига олади, улар “Ахборот технологиялари, мобил алоқа хизматлари ва робототехника”, “Ёшлар сиёсати: амалга ошириш ва такомиллаштириш механизмлари”, “Ёшлар тадбиркорлиги. Талабалар гуруҳларини ташкил этиш хусусиятлари”, “Ахборот технологиялари”, “Кўнгиллилар ҳаракати. Ёшларнинг ижтимоий лойиҳалари”, “Минтақавий ва маданий-гуманитар ҳамкорлик. Ёшлар туризми” мавзуларида мунозаралар олиб борилади.
Форумда юртимизнинг етакчи бизнесменлари ўз маърузалари билан иштирок этишади. Жумладан, My Taxi, Express24, Maxtrack ва Workly асосчиси Акмал Пайзиев, Cambridge ўқув маркази тармоқларининг асосчиси Жаҳонгир Пўлатов, Africa SMM агентлиги директори Акмал Раимов, «Digital Generation Uzbekistan» МЧЖ директори Азамат Жалолов, шунингдек, БРЁИнинг биринчи котиби Дмитрий Сергеевич Воронюк, Белоруссия делегацияси аъзолари шулар жумласидандир.
Форум ёшлар ўртасида IT соҳасида тажриба алмашишда халқаро майдон яратиш учун имконият бўлиб, икки мамлакатнинг 100 дан ортиқ ёшларини ўзига қамраб олиши кўзда тутилган. Кеча, 19 ноябрь куни ўз ишини бошлаган ушбу форумда Ўзбекистон ва Беларус ёшлар иттифоқи ташкилотлари раҳбарияти вакиллари, IT ва инновация соҳаси экспертлари иштирок этишди.
01.04.2024, 16:31
Ижтимоий тармоқларда Солихон домла номи билан танилган Солихон Ортиқхўжаев 15 суткага қамалди. Бу ҳақда Тошкент шаҳар судлари Darakchi.uz га хабар берди.2024 йил 30 март Тошкент...21.02.2024, 17:28
Хабарингиз бор, 2024 йил 1 февраль куни “Педагогнинг мақоми тўғрисида”ги Қонун имзоланди. Ундаги педагоглар учун энг асосий ўзгаришлардан бири – энди мактабга янги ишга кирган...13.02.2024, 09:36
Твиттерда Majin Bu тахаллуси остида яширинган таниқли Apple инсайдери янги авлод iPhoneлари ҳақида янги маълумотлар билан бўлишди. Инсайдер хабаридан маълум бўлишича, компания бир вақтнинг ўзида...29.09.2023, 00:10
Бугун, 28 сентябрь куни соат 02:43 да Тошкент шаҳар Сергели тумани "Қурувчилар" даҳасида жойлашган омборхоналарнинг бирида кучли чақнаш оқибатида ёнғин содир бўлгани ҳақида хабар берган...