Халқ табобатида қўл кафти ранги, ҳолати ва кўринишига қараб ташхис қўйиш усуллари мавжуд. Хусусан:
- Қўл кафти юзасининг тез-тез қизғиш тусга кириши жигар фаолиятидаги ўзгаришлардан дарак бериши мумкин.
- Агар қўл бармоқларининг учи тез-тез қизариб турса, меъда фаолиятига диққат қилинг. Ҳазм қилиш фаолиятида ҳам муаммолар бўлиши мумкин.
- Бош бармоқ юзасининг қизариб қолиши, жинсий аъзолар саломатлигидаги безовталикларга ишора бўлади.
- Қўл кафтининг устки қисмига эътибор қилинг: бармоқ суяклари юзаси жигарранг тусда бўлса, ўт пуфагида ўзгаришлар борлигини билдиради.
- Қўл кафти ранги ола-була тусда бўлса, асаб тизими зўриқишига ишора беради.
- Агар қўл кафтининг устки қисми тез-тез қичишиб, қуруқлашиб борса организмда А ва Д витаминлари тақчиллиги юзага келганини билиш мумкин.
- Бармоқ учининг «музлаб» қолиши қон айланишининг меъёрда эмаслигини англатади.
- Бармоқ учи ҳатто қишда ҳам қизиб кетса, жигар фаолияти жиддий хавфдан дарак бераётган бўлади.
- Гоҳида бармоқлар орасида «чумоли ўрмалаши» каби ҳолат кузатилса, эндокрин тизим фаолиятига сергак бўлинг. Эҳтимол қалқонсимон без фаолиятида ўзгаришлар бўлиши мумкин.
- Қўл бармоқларининг увишиши айниқса жимжилоқ бармоқ ҳолати, юрак қон-томир тизими муаммоларига ишорадир. Бордию бош ва кўрсаткич бармоқларда увишса, нафас йўлларидаги безовталикларга аҳамият беринг.