АҚШ геология хизмати дастлабки ҳисоб-китобларига кўра, ўтган йили Ўзбекистонда 102 тонна олтин қазиб олинган, деб ёзади «UZ24» Mining-journal.com нашрига таяниб.
2013 йилда Ўзбекистон 98 тонна олтин ишлаб чиқариб, ушбу кўрсаткич бўйича дунё мамлакатлари орасида саккизинчи ўринни эгаллаган бўлса, 2014 йилда 102 тонна билан еттинчи поғонани банд этди.
Дунёда олтин қазиб олиш бўйича етакчи давлатлар бешлигига Хитой, Австралия, Россия, АҚШ ва Перу кирди.
Ўзбекистонда олтин ишлаб чиқариш билан Навоий ва Олмалиқ кон-металлургия комбинатлари шуғулланади.
