“Барселона” Испания кубоги дастлабки ярим финалида “Вильярреал”ни мағлуб (3:1) этди. Шу тариқа, Каталония клуби барча мусобақаларда кетма-кет 10-ғалабасига эришди. Бу ҳақда olamsport.com хабар беради.
Бу жамоа учун 2010 йилдан буён энг узун серияга айланди. Сўнгги бор “Барселона” 4 январь куни ғалаба қозона олмаганди.
Ўшанда жамоа “Реал Сосьедад”га ютқазиб (0:1) қўйганди. Шундан буён Луис Энрике шогирдлари чемпионатда ҳам, Кубокда ҳам 5 мартадан зафар қучишди.