2015 йилнинг 2 май санасида Флойд Мейвезер ва Мэнни Пакьяо ўртасида бўлиб ўтадиган жангга чипталар савдоси расман бошланмади. Шунга қарамай, ҳозирданоқ чиптани харид қилиш мумкин эканлиги ҳақида хабар бераётганлар топилади. Ушбу жангни кузатишни истовчилар сони кўпчиликни ташкил этмоқда. ВИП чипталари одатда юлдузларга текинга тарқатиларди. Бироқ бу сафар шундай тоифадаги чипталар учун 65 минг доллар тўлашга тўғри келади. Бу ҳақда olamsport.com нашри маълумот беради.
Чипталарни сотиш билан "MGM Grand" меҳмонхонаси шуғулланмоқда. Жанг шу ердаги залда ўтказилади. Аризалар қабул қилиняпти, лекин "MGM" кредит картасида 250 минг доллардан кўпроқ маблағ бўлганлардан аризалар олиб қоляпти холос. Бу ВИП чипта сотиб олишни хоҳловчиларга тааллуқли.
Оддий тоифа чипталари нархи 10 минг доллар атрофида бўлиши кутилмоқда. Эркин савдога кам миқдорда чипта чиқарилади. Қолганларини асосан танишлар ёрдамида қўлга киритиш мумкин бўлиши тўғрисида маълумотлар бор.
