Мадриднинг “Реал” клуби етакчиси Криштиану Роналду 22 март куни “Барселона” билан бўлиб ўтган “Эл Классико”даги айрим номақбул ҳаракатлари учун дисквалификация қилиниши эҳтимоли бор, дея хабар беради olamsport.com нашри.
Ўша ўйинда Роналду нафақат ўз киритган голи, балки қўл ҳаракатлари билан ҳам ёдда қолган эди.
Бу ҳаракатлар камералар нигоҳидан четда қолмаган. Ўнга яқин ҳолатда португалиялик футболчи бундай ҳаракатни амалга оширган. Испания профессионал футбол лигаси Роналдунинг бу ҳаракатларини ўрганиб чиқади. Айтилишича, Криштианунинг бу ҳаракатлари “Эл Классико”ни бошқариб борган ҳакам Мет Лаосга қаратилган.
Испания профессионал футбол лигаси раҳбари Хавьер Тебас ушбу ҳолатга ўз фикрини билдириб, Роналдунинг бу ҳаракатлари махсус комиссия томонидан ўрганиб чиқилиши ва шунга яраша жазо белгиланишини маълум қилди.
