Ўзбекистонда коронавирусга чалингани 15 март куни аниқлангани илк бемор — олий тоифали шифокор Нигора Муродова касалликдан соғайиб, 9 апрель куни Тошкентдаги Вирусология илмий-текшириш институти клиникасидан реабилитацияга ўтказилди. У касалхонадан чиқаркан, «Ўзбекистон 24» телеканалига интервью берган.
Нигора Муродова:
— Юртбошимизга, улар кўрсатган ғамхўрликларига, шундай оқил ва одилона сиёсатлари туфайли ҳар бир беморга меҳр билан кўрсатилган даво бизни соғайтирди. Бугун оилам билан, биз 14 киши, тузалиб чиқиб кетяпмиз.
Биз учун жон куйдирган ҳар бир тиббиёт ходимига бугун миннатдорчилик билдираман. Бугун мен ўзбеклигимдан, Ўзбекистон фуқароси эканлигимдан жуда ҳам хурсандман. Чунки Ўзбекистонда биринчи симптомлар аниқланиши билан стационар карантинга олиниб, даволаняпти.
