Forbes талқинига кўра Мадриднинг “Реал” клуби ҳужумчиси Криштиану Роналду кетма-кет иккинчи йил энг кўп ҳақ оладиган футболчи деб топилди.
2014 йилда 30 ёшли форвард 79 миллион АҚШ доллар ишлаган. Бу эса бир йил аввалгидан олти миллион кўп. Шундан 52,2 миллионни Роналду маош ва бонус сифатида олган. Қолган пулларни реклама шартномалари ҳисобидан ишлаган.
Рўйҳатда иккинчи ўринни «Барселона» ва Аргентина терма жамоаси ҳужумчиси Лионель Месси эгаллади. Ўтган йил давомида у 70,5 миллион ишлади (48,5 миллион — маош ва бонус, 22 миллион — реклама). Ўтган йилдагидек бу йил ҳам учинчи поғонани Франциянинг «Пари Сен-Жермен» клуби ҳужумчиси Златан Ибрагимович эгаллади. Унинг даромади 41,8 миллион (35,8 — маош, 6 — реклама).
Ўнталикдаги қолган ўринлар қуйидагича тақсимланди:
4. Гарет Бэйл («Реал» — 34,9 миллион)
5. Неймар («Барселона» — 31,7 миллион)
6. Радамель Фалькао («Манчестер Юнайтед» — 31 миллион)
7. Уэйн Руни («Манчестер Юнайтед» — 25,8 миллион)
8. Хамес Родригес («Реал» — 25, 4 милион)
9. Серхио Агуэро («Манчестер Сити» — 25,3 миллиона)
10. Луис Суарес («Барселона» — 19,9 миллион)
