Ўзбекистон Қуролли кучлари дунёнинг энг қудратли қуролли кучлари рейтингида 54-ўринни эгаллади.
Ушбу рейтинг «Globalfirepower.com» сайтида эълон қилинган. UzDaily нашрининг хабар беришича, мазкур рейтингдан дунёнинг 126 давлати жой олди. Ўзбекистон рейтингда Марказий Осиё давлатлари орасида биринчи бўлди.
Қозоғистон армияси рейтингда - 66, Қирғизистон - 78, Тожикистон - 81, Туркманистон - 90-ўриндан жой олди. Ушбу рейтингни тузишда қўшинлар сони, қуруқлик, ҳаво ва денгизда жанговар ҳаракатлар олиб бориш учун мўлжалланган ҳарбий техника миқдори инобатга олинди.