Dezinfeksiya vositalari maishiy uylar va ofislarda yuzalarni tozalash va zarasizlantirish uchun mo`ljallangan.
Stol va stullar, eshik tutqichlari va deraza romlarini zarasizlantirish uchun dezinfeksiya eritmalarga gipoxlorid natriy va faol xlor qo`shiladi. Ko`pchilikda xlor tarkibli moddalarga allergiya bor, bunday vaziyatlarda to`g`ridan-to`g`ri ta`sirdan, ya`ni teri va shilliq pardalarga tegishdan saqlanish kerak.Agar himoyasiz teriga juda ko`p miqdorda bunday antiseptik vositalar sepilaversa, albatta, teriga shikast etkazishi mumkin.
Buni AOKA huzuridagi brifingda "Dezinfeksiya vositasi inson salomatligiga qanday xavf tug`diradi?" degan savolga javob berar ekan, Koronavirusga qarshi shtab a`zosi Sevara Ubaydullaeva ham tasdiqladi.
Uning aytishicha dezinfeksiyalovchi gellarni qo`lqopga sepish kerak, tibbiyot muassasalarida esa himoyalanish uchun qo`lqop, niqob va zarur holatda ko`zoynak ham taqish va ularni tez-tez almashtirish va dezinfeksiyalash talab etiladi..
