AQSh, Portugaliya, Yangi Zelandiya, Buyuk Britaniya aholisidan yuzlab odamlarga pochta orqali ichida urug`lar bo`lgan paketlar keldi. Ular Xitoydan jo`natilganligi yozilgan, deb xabar berdi iz.ru.
Ma`lum bo`lishicha, kichik shaffof paketchalarga joylangan qora va oq urug`lar qadog`iga ularning o`yinchoq yoki bijuteriya ekanligi, oluvchilarning aniq manzili va ism-sharifi yozilgan.
Birgina Floridada 600dan ortiq kishi ana shunday jo`natma olgan, bunday holatlar 12ta shtatda sodir bo`lgani aytilmoqda. Buyuk Britaniyada ham yuzdan ortiq kishi ana shunday jo`natmalarni qabul qilib olgan.
Bundan tashqari, Yangi Zelandiya va Portugaliyada ham Xitoydan pochta orqali urug` kelishi holatlari kuzatildi.
Ayrim mamlakatlarda bu borada surishtiruv boshlangan. Xitoy hukumati esa pochta stikerlari qalbaki ekanligini aytmoqda va tekshiruv o`tkazish uchun AQSh pochta xizmatidan ushbu jo`natmalardan namuna berishni so`ramoqda.