Yangi O`zbekistonning yozishicha, 73 yoshli Doris Krippen virus bilan kasallanib, Fremont shahridagi reabilitasiya markaziga o`tkazilishi kerak bo`ladi.
O`sha markazda esa uning singlisi 53 yoshli Bev Boro necha yillardan beri ishlayotgan bo`ladi. Bev bemorlar ro`yxatida Krippen familiyasini o`qib, uning qarindoshlaridan biri bo`lishi mumkinligini o`ylaydi va qidirib topadi. Qarasaki, u o`zining tug`ishgan opasi bo`lib chiqadi.
“Bu Allohning mo``jizasi. U meni bu erga jo`natdi. Agar u bu erga kelishni nasib qilmaganida, men singlimni hech qachon topa olmasdim”, deydi Krippen jurnalistlarga bergan intervyusida.
Nashrning xabariga ko`ra, opa-singil 50 yil bir-birini ko`rmagan. Ularning otasi bir, onasi boshqa. Shuning uchun ham ularning boshqa uka va singillari bor. Opa-singil bir-birini topishga ko`p bora harakat qilgan. Lekin ularning urinishlari besamar ketgan. Ular hozir koronavirusga rahmat aytishmoqda!
