Rossiya prezidenti V.Putin koronavirusga qarshi dunyoda birinchi vaksina Rossiyada ro`yxatga olinganini e`lon qildi. Uning so`zlariga ko`ra, vaksina samarali va barqaror immunitetni shakllantiradi. Prezidentning qizlaridan biri koronavirusga qarshi ushbu vaksina bilan emlangan.
Shunday qilib, Rossiya yangi koronavirus infeksiyasiga qarshi vaksina ro`yxatga olingan dunyodagi birinchi mamlakatga aylandi.
Mamlakat Sog`liqni saqlash vaziri M.Murashkoning ma`lum qilishicha, Gamaleya nomidagi Milliy epidemiologiya va mikrobiologiya tadqiqotlar markazi va «Binnofarm» kompaniyasida vaksinani ishlab chiqarish boshlanadi.