Ijtimoiy tarmoqlarda tarqalayotgan “Kobalt” rusumiga o`xshash avtotransport vositasi haydovchisi va yonidagi yo`lovchi boshqa bir fuqaroni o`qotar qurol bilan otib tashlab, keyin avtotransportda ustidan bosib o`tib ketgani haqidagi videolavha yuzasidan IIV Axborot xizmati munosabat bildirdi.
Xabarda aytilishicha, bu holat Lotin Amerikasi davlatlaridan birida sodir etilgan va internetdan yuklab olingan. Bu voqea O`zbekistonda bo`lgan deb tarqatilayotgan ma`lumot xaqiqatga to`g`ri kelmaydi.
Fuqarolarimizdan va ijtimoiy tarmoqda kanal yurituvchilardan tekshirilmagan va yolg`on ma`lumotlarni tarqatishdan o`zlarini tiyishlarini so`rab qolamiz, dyiladi IIV izohida.