Toshkent shahar Ichki ishlar bosh boshqarmasi joriy yilning boshidan to bugungi kunga qadar poytaxtda bedarak yo`qolgan voyaga etmagan shasxlar haqidagi ma`lumotlar bilan bo`lishdi. Unga ko`ra, o`tgan 8 oy davomida Toshkent shahrida 91 nafar voyaga etmagan shaxs uyidan chiqib ketib, bedarak yo`qolgan. Shundan hozirga qadar ularning 90 nafari topilgan va 1 nafari hamon qidiruvda.
Shuningdek, tayyorlangan ko`rsatuv davomida voyaga etmagan shaxslarning o`z uyidan sababsiz chiqib ketib, qaytib kelmaslik holatlarining asosiy sabablari ham sanab o`tilgan. Ma`lum bo`lishicha, uyidan chiqib ketayotgan voyaga etmaganlarlarning oilaviy sharoiti, turmush tarzi va oilaviy muhitning nosog`lomligi, uydagi janjal va kelishmovchiliklar, shuningdek, balog`at yoshidagi o`zgarishlar sabab ushbu holatlar ko`p kuzatilmoqda.
Hozirda ana shunday oilalar va uyidan chiqib ketayotgan voyaga etmagan shaxslar bilan ishlash bo`yicha markaz faoliyat yuritayotgan bo`lib, u erda yuqoridagi holatlarga tushgan farzandlar bilan ishlash yo`lga qo`yilgan.
Batafsil video:
