Norvegiya yo`l harakati xavfsizligi bo`yicha Kengashining ma`lumotlariga ko`ra, o`tib borayotgan 2015 yilda yuz bergan piyodalar ishtirokidagi yo`l-transport hordisalarida birorta ham bola o`limi qayd etilmagan. Bu haqda “RTR” xabar bermoqda.
Bu holat mamlakatda Kengash ish boshlagan 1970 yildan beri ilk marta kuzatilishi. Kengash direktori Yan Yoxansonning fikriga ko`ra, YTHlarda bolalar o`limining umuman qayd etilmagani yo`llarning sifati, xavfsizlik tizimi va haydovchilarni tayyorlashning yaxshilanganidan dalolat beradi.
Shuni ham ta`kidlash kerakki, haydovchilar va piyodalarning e`tiborsizligi oqibatida yo`l-transport hodisalarida jami 113 kishi vafot etgan. Yoxansonning fikricha, bu raqam juda ko`p.
Norvegiyada besh million nafar aholiga 600 mingta avtomobil to`g`ri keladi, mamlakat hududidagi yo`llarning uzunligi esa 100 ming kilometrga teng.
