Italiyalik baliqchi Yuri Grisendi Po daryosidan bahaybat laqqa baliqni tutib oldi, deb xabar beradi “Lenta.ru”.
Po daryosi Italiyaning Lombardiya viloyati Mantuya shahri yaqinida joylashgan. Baliqning umumiy og`irligi 265 funt aniqrog`i 120 kilogramm keladi.
38 yoshli baliqchining aytishicha, u bundan oldin hech qachon bunchalik yirik baliq tutmagan.
“20 yildan beri baliqchilik qilaman. Ammo bunday ulkan baliqni birinchi marta ko`rib turibman. Bu shubhasiz men tutgan eng bahaybat baliq”, — deydi baliqchi.
Ma`lumotlarga ko`ra, Grisendiga baliqni suvdan chiqarib olishi uchun bir soatcha vaqt kerak bo`lgan.
“Uni suvdan chiqarib olishim ancha qiyin bo`ldi, ammo men buni uddaladim”, —qo`shimcha qildi baliqchi.
