Moskva shahridagi dorixonalardan biridan uch noma`lum shaxs onkologik kasalliklarni davolashda ishlatiladigan umumiy qiymati 5,7 million rubllik dorilarni o`g`irlagan, deb xabar beradi “Lenta.ru”.
O`g`irlik kecha, 15 dekabr kuni Moskva shahri Ladojskaya ko`chasidagi dorixonada yuz bergan. Yuziga niqob kiyib olgan o`g`rilar dorixona farmasevti qo`llarini skotch bilan bog`lab qo`ygan va seyfdagi 20 ming rubl pul va onkologik xastaliklarni davolash uchun mo`ljallangan “Tayverb” va “Neksavar” preparatlaridan 30 quti o`g`irlab ketgan.
Ma`lumotlarga ko`ra, mazkur ikki preparat Moskva dorixonalarida 120-180 ming rublda sotiladi.
Holat yuzasidan jinoiy ish qo`zg`atilgan.