Facebook ijtimoiy tarmog`i asoschisi Mark Sukerberg qizi Maksning “Yulduzlar jangi” filmidagi jeday kiyimini kiyib tushgan suratini o`z sahifasiga joylashtirdi. Bu haqda “Lenta.ru” xabar bermoqda.
Suratda qizchaning yonida “Yulduzlar jangi” filmini eslatuvchi o`yinchoqlar ham qo`yilganini ko`rish mumkin. Sukerberg suratga “Kuch shu kichkintoy tomonida” deya izoh qoldirdi.
Xabarda aytilishicha, surat ikki millionga yaqin “layk” to`plagan.
Mazkur surat Sukerbergning qizi Maksning birinchi surati emas. Facebook asoschisi bundan oldin ham bir necha marotaba qizining suratlarini e`lon qilgan edi.