Namanganda o`z uyida diniy saboq bergan fuqaro qo`lga olindi. Bu haqda IIB xabar bermoqda. Ma`lum bo`lishicha, 25 avgust kuni viloyat IIB Terrorizm va ekstremizmga qarshi kurash boshqarmasi va DXX viloyat boshqarmasi tezkor vakillari bilan xamkorlikda o`tkazilgan tezkor tadbir davomida Namangan shahrida yashovchi 2001 yilda tug`ilgan fuqaro shu yil iyun oyidan avgust oyiga qadar yashash uyida noqonuniy xujra tashkil qilib, 20 nafar voyaga etmagan bolalarga doimiy ravishda diniy saboq berib, dars jarayoni vaqtida o`quvchilarni muttasil ravishda qiynab, ularni yog`och bo`lagi, temir tayoq hamda temir zanjir bilan urib do`pposlab kelganligi aniqlangan. Ushbu holat bo`yicha Namangan shahar IIO FMB huzuridagi TB tomonidan O`z.R JKning 110-moddasi 2-qismi bilan jinoyat ishi qo`zg`atilgan. |
19.09.2020 17:32
3925
Namanganda 20 nafar yosh bolani temir zanjir bilan jazolab kelgan «ustoz» qo`lga olindi
!['Namanganda 20 nafar yosh bolani temir zanjir bilan jazolab kelgan «ustoz» qo`lga olindi'ning rasmi](https://api.darakchi.uz/media/news_preview/2024/07/27/IMG_20200919_172546_277-xl.medium.webp)