Yoshi 2500 yilga teng 27 ta sarkofag topildi

Misr turizm va qadimiy yodgorliklar vazirligi yakshanba kuni Sakkaradagi qadimiy nekropolda jami 27 sarkofag topilganligini e`lon qildi. Artefaktlarning yoshi 2500 yil deb taxmin qilinmoqda.

Sakkara ulkan nekropoli mashhur Giza piramidalaridan 16 kilometr janubida joylashgan. U qadimiy Memfis shahrining bir qismi bo`lib, YuNESKOning jahon merosi ro`yxatiga kiritilgan.

Olimlarning fikriga ko`ra, yog`och sarkofaglar dafn etilganidan beri ochilmagan. Ularning yuzida oxra va ko`k bo`yoq bilan ishlangan nafis rasmlar, shuningdek, ieroglif yozuvlar mukammal saqlanib qolgan.

Misr hukumati hozirgi paytda koronavirus pandemiyasi tufayli sayohatga cheklovlar qo`yilgan turizmni qayta tiklash uchun mamlakat bo`ylab olib borilayotgan arxeologik kashfiyotlarni qat`iyan rag`batlantirmoqda.