Ayni vaqtda O`zbekiston Respublikasi Maktabgacha ta`lim vaziri Agrippina Shin rahbarligida respublika xududiy boshqarmalari bilan videokonferensiya tarzida yig`ilish o`tkazilmoqda, deya xabar bermoqda vazirlik Matbuot xizmati.
Vazir yig`ilishdagi nutqini Davlat rahbarining so`zlaridan boshladi, ya`ni inson manfaatlari yo`lida, xalqni rozi qilish maqsadida barchamiz ma`sulligimizni ta`kidladi, biz yosh avlodni qanchalik to`g`ri tarbiyalab, ularga kuchli bilim bersak, u shunchalik barkamol inson bo`lib etishadi.
Bizning bolajonlarimiz 3-Renessans poydevorlaridir, ular ota bobolari kabi etuk, komil inson bo`lishlari uchun maktabgacha ta`lim tashkiloti xodimlari ta`lim va tarbiya berishda ma`sulligi alohida e`tirof etildi.
"Eng muhimi ta`lim va tarbiya jarayonlarini sifatli amalga oshirishda, bolalarga yaxshi shart-sharoitlar yaratishda davom etishimiz kerak. Ayniqsa, ularni maktabga tayyorlash borasidagi ishlar ko`lamini yanada jadallashtirish lozim", - dedi vazir.
"Pandemiya vaqtida barchamiz - pedagog kadrlar va tarbiyachi yordamchilari bolalarni sog`ligini o`ylagan holda, o`rnatilgan tartibda qabullarni davom ettirishimiz kerak.
Shuni alohida ta`kidlash kerakki, bolalarni qabul jarayoni va taqdim etiladigan hisobotlarda shaffoflikni ta`minlamagan boshqarma boshliqlarini lavozimidan ozod etish choralari ko`riladi.
Shuning uchun, yaratilayotgan sharoitlardan unumli foydalanib, o`z ishimizga sadoqat bilan yondashaylik, shu yo`l bilan ijobiy natijalarga erishamiz" - dedi vazir.
