Surxondaryo viloyati Boysun tumanida yashaydigan Zulayho Shodieva (ism-shariflar o`zgartirildi) viloyat ichki ishlar boshqarmasiga murojaat etib, Denov tumanida yashovchi 28 yoshdagi Po`lat Choriev ikki yoshdagi farzandini 50 million so`mga sotmoqchi ekanini ma`lum qilgan. Bu haqda UzA yozmoqda.
Mazkur holat yuzasidan shu kuni viloyat ichki ishlar boshqarmasi jinoyat qidiruv bo`limi xodimlari o`tkazgan tadbir chog`ida Termiz shahridagi “Malika” restoranida P.Choriev voyaga etmagan farzandini Z.Shodievaga 2 ming 500 dollar va 24 million 250 ming so`mga sotgan vaqtda ashyoviy dalillar bilan qo`lga olingan.
Ayni paytda P.Chorievga nisbatan O`zbekiston Respublikasi Jinoyat Kodeksining 135-moddasi, 3-qismi “a” bandi bilan jinoyat ishi qo`zg`atilib, surishtiruv ishlari olib borilmoqda.
