Qoraqalpog`istonda “DAF”ga yashirilgan 228 million so`mlik sifati kafolatlanmagan dori-darmonlar to`xtatib qolindi.
Bojxona qo`mitasi qayd etishicha, xodimlar tomonidan respublikamizda “yashirin iqtisodiyot”ning ulushini qisqartirish va tovarlarning noqonuniy harakatini oldini olish borasida bir qator chora tadbirlar amalga oshirilmoqda.
Jumladan, Qoraqalpog`iston Respublikasi bojxona boshqarmasi “Dout-ota” chegara bojxona postiga qo`shni davlatdan kirib kelgan fuqaro R.M boshqaruvidagi “DAF” rusumli yuk avtotransport vositasi o`rnatilgan tartibda ko`zdan kechirildi.
Natijada, avtomashinada taqdim etilgan hujjatlarda ko`rsatilmagan, avtotransport vositasi yukxonasidagi yuklar orasiga xufiyona tarzda yashirib qo`yilgan umumiy qiymati 228 million so`mlik sifati kafolatlanmagan dori vositalari, parfyumeriya mahsulotlari va xo`jalik tovarlari borligi aniqlandi.
Hozirda mazkur holat yuzasidan bojxona organlari tomonidan surishtiruv harakatlari olib borilmoqda.
