Kuni kecha ijtimoiy tarmoqlarda poytaxtimizning Chilonzor tumanidagi 33-oilaviy poliklinkada “Yangi O`zbekistonda hamshira va shifokorlar bosh vrach mashinasini yuvadi…” nomli rasm va post e`lon qilingan edi.
Zamon ushbu post bilan bog`liq xabarlarga oydinlik kiritish maqsadida mazkur poliklinika bosh vrach o`rinbosari Oydin Holmurodovadan izoh so`radi. Mutaxassis mazkur ma`lumot yolg`on ekanligini, mashina rostan ham bosh vrachga tegishli bo`lib, shu kunga qadar shifokor va hamshiralar mashina yuvish ishlariga xech qachon jalb qilinmaganini aytgan.
O`rinbosar o`sha kuni kichik tibbiyot xodimlari tomonidan poliklinikaning orqa hovlisida hazonlardan tozalash ishlari olib borilganini, tozalashdan so`ng supurgidan to`kilgan has cho`plarni qo`l bilan terayotganida kimdir bu suratni olganini ta`kidladi.
Lekin, "suratga e`tibor berib qaralsa, oq halatdagi tibbiyot xodimlari mashina ustini artayotganini ko`rish mumkin. E`tiborlisi mashina yonida chelak ham bor..." deyiladi xabarda.
Balki ushbu vaziyatda xatolik bo`lganini tan olib, ikkinchi bu ish takrorlanmasligi haqida aytilsa to`g`riroq bo`larmidi. Ishchi-xodimlardan o`z shaxsiy xizmatchisi sifatida foydalanuvchi rahbarlar jamiyatimizda uchrab turadi.
Har qanday holatda ham jamoatchilik nazorati degan qonun borligi va bugungi kunda u ishlayotganini shunday rahbarlarga eslatib qo`yilgani ibratli bo`ldi har holda.
