Virusologiya ilmiy tekshirish instituti klinikasi odatiy ish faoliyatiga qaytdi

 Yurtimizga koronavirus infeksiyasi ilk bor qayd etilgan shu yilning 15 martidan beri kasallikni davolash bilan shug`ullanib kelayotgan Virusologiya ilmiy tekshirish instituti klinikasi kasallik hajmining kamayishi sababli shu oyning boshidan odatiy ish faoliyatiga qaytdi. 

200 o`ringa mo`ljallangan shifoxona surunkali gepatit, sirroz va boshqa turdagi infeksion kasalliklarga chalingan bemorlarga xizmat ko`rsatadi. Shifoxona dunyo talablariga javob beradigan noyob laboratoriya qurilmalari bilan jihozlangan. Bundan tashqari klinikada kuniga 250 qatnovga mo`ljallangan poliklinika ham ishlab turibdi.

Ma`lumot o`rnida aytish mumkinki, Respublika epidemiologiya, mikrobiologiya va yuqumli kasalliklar ilmiy tekshirish instituti klinikasi ham odatiy ish faoliyatiga qaytib, koronavirusdan boshqa turdagi yuqumli kasalliklarga chalingan bemorlarga tibbiy xizmat ko`rsatishga o`tgan.