Xonanda Jahongir Otajonov ijtimoiy tarmoq orqali videochiqish qilib san`atni tark etganini ma`lum qildi.
Otajonov o`z murojaatida, ayni daqiqalarda ikki yildan buyon o`zini qiynab kelayotgan masalada so`nggi qarorni qabul qilgani va bundan buyon qo`shiq aytmasligini bildirgan. Uning aytishicha, Alloh yo`lida san`atdan voz kechdi, endi u umuman qo`shiq aytmaydi va hattoki, 1 yanvarga qadar to`y va boshqa marosimlar uchun olib qo`ygan "zakaz"larini bekor qilib, "zakalat"larni o`z egalariga qaytarmoqchi.
Shuningdek, xonanda o`z muxlislaridan uning shu paytga qadar aytgan barcha qo`shiqlarini o`zlarida mavjud bo`lgan va saqlangan joylaridan o`chirib tashlashlarini hamda bundan keyin eshitmasliklarini iltimos qilib qolgan.
Eslatib o`tamiz, sal avval "Ummon" guruhi a`zosi Shoxrux ham san`atni tark etganini e`lon qilgan edi.