Shavkat Mirziyoev Ozarbayjon va Turkmaniston prezidentlari bilan muloqot qildi. Bu haqda Prezident Matbuot xizmati xabar bermoqdi.
Ozarbayjon Prezidenti bilan bo`lgan suhbatda ko`p qirrali munosabatlarning bugungi holati va ularni yanada rivojlantirish istiqbollari muhokama qilindi. Pandemiya davrida mamlakatlarimiz bir-birini qo`llab-quvvatlagani katta mamnuniyat bilan qayd etildi.
Davlat rahbarlari global va mintaqaviy tuzilmalar doirasidagi yaqin muloqotni qo`llab-quvvatlashga kelishib oldilar, shuningdek, bo`lajak oliy darajadagi tadbirlar rejasini ko`rib chiqdilar.
Turkmaniston etakchisi bilan bo`lgan suhbat avvalida Shavkat Mirziyoev qardosh turkman xalqini mamlakat Betarafligining 25 yilligi bilan samimiy muborakbod etib, eng ezgu tilaklarni etkazdi.
Savdo, sanoat kooperasiyasi, qishloq xo`jaligi, energetika, transport va tranzit, hududlararo rishtalar va gumanitar dasturlar kabi muhim sohalardagi hamkorlikning ustuvor yo`nalishlari belgilandi.