Dunyo bo`ylab tarqalib ketgan 114ga yaqin Qur`oni karimning qadimiy qo`lyozma kitoblari buyuk allomalar, mutafakkirlar va tarixiy shaxslarga tegishli ekanligi aytilmoqda.
Ular qatorida Amir Temur, Mirzo Ulug`bek, Husayn Boyqaro, Amir Olimxon kabi tarixiy shaxslar foydalangan manuskriptlar mavjud. Loyiha O`zbekiston madaniy merosini o`rganish, saqlash va ommalashtirish butunjahon jamiyati tomonidan amalga oshirilmoqda. Avvalroq jamiyat O`zbekistonga Kattalangar Qur`on tarixiy kitobini qaytargan edi.
15-18 dekabr kunlari Toshkentda O`zbekiston madaniy merosi an`anaviy haftaligi o`tkaziladi. Ma`lumotlar kongress tashkilotchilari tomonidan tasdiqlandi, deb xabar qildi "O`zbekkino" MA Matbuot kotibi Nozim Safari.