O`zbekiston Respublikasi Oliy Majlisi Senatining o`ninchi yalpi majlisi ikkinchi ish kunida mamlakatimizning Pokiston Islom Respublikasidagi Favqulodda va muxtor elchisini tayinlash to`g`risidagi masala ko`rib chiqildi.
Senatorlar Oybek Arifbekovich Usmanovni O`zbekiston Respublikasining Pokiston Islom Respublikasidagi Favqulodda va muxtor elchisi lavozimiga tayinlash to`g`risida qaror qabul qildi.
1962 yilda Toshkentda tug`ilgan Oybek Usmanov 1985 yili Toshkent Davlat universitetining Sharqshunoslik fakultetini tugatgan.
U 2013 yil yanvar oyidan beri O`zbekistonning Misr va Iordaniyadagi elchisi, shuningdek, 2020 yil may oyidan O`zbekistonning Marokashdagi elchisi lavozimida ishlab kelgan.
