O`zbekiston Respublikasi Tashqi ishlar vaziri Abdulaziz Kamilov Moskvaga amaliy tashrifi doirasida 2020 yilning 21 dekabr kuni Rossiya Federasiyasi Tashqi ishlar vaziri Sergey Lavrov bilan uchrashuv o`tkazdi. Bu haqda Tashqi ishlar vazirligi Matbuot xizmati xabar qildi.
Uchrashuv chog`ida O`zbekiston – Rossiya ko`p qirrali hamkorligining ustuvor yo`nalishlari, xalqaro va mintaqaviy muammolar bo`yicha fikr almashinildi.
Muloqotda bo`lib o`tajak oliy va yuqori darajadagi uchrashuvlarning amaliy jihatlariga alohida e`tibor qaratildi.
O`zbekiston Respublikasining Mustaqil Davlatlar Hamdo`stligidagi raisligi natijalari hamda O`zbekistonga Evroosiyo iqtisodiy ittifoqi huzurida kuzatuvchi maqomi berilishi taqdim etadigan yangi istiqbollar muhokama qilindi. Boshqa xalqaro tashkilotlar doirasidagi hamkorlik masalalari ham kelishib olindi.