Dunyoning 40 dan ortiq mamlakati beshta turli vaksinalar yordamida aholini koronavirusga qarshi emlash bo`yicha kampaniyalarni boshladi. Bunday ma`lumotlar 11 yanvar, dushanba kuni bo`lib o`tgan brifingda Butunjahon sog`liqni saqlash tashkiloti rahbarining yordamchisi Bryus Eylvard tomonidan e`lon qilindi, deya yozmoqda korrespondent.
Eylvardning ta`kidlashicha, JSST emlash jarayonini, ayniqsa kam ta`minlangan mamlakatlarda tezlashtirish ustida ishlamoqda. Fevral oyida JSST vaksinani maksimal miqdordagi mamlakatlarga etkazib berishga harakat qiladi. Ammo shu bilan birga, uning ta`kidlashicha, har xil davlatlar emlashga har xil darajada tayyor.
