Bugun Yoshlar ijod saroyida “O`zbekkino” Milliy agentligi hamda “Last Media” MChJ bilan hamkorlikda suratga olingan “Millioner Jonibek” filmining ilk premerasi o`tkazildi. Bu haqda "O`zbekkino" Milliy agentligi Axborot xizmati xabar qildi.
Premera avvalida film ijodkorlari sahnaga taklif qilinib, tasvirga olish jarayonlari, ijodiy jamoaning hamda agentlikning birgalikdagi hamkorligi haqida gapirildi. Tomoshabinlar yangi komediyani iliq kutib olishdi.
“Millioner Jonibek” filmining badiiy rahbari Rustam Sagdiev, postanovkachi rejissyor Zohidjon Zokirov, ssenariy mualliflari Nilufar Xudoyberdieva va Shoira G`iyosova, postanovkachi operator Diyor Adashev, rassom Oxun Sharipov, liboslar bo`yicha rassom Indira Abdullaeva, rejissyor yordamchisi Shaxriyor Xolmurodov hamda prodyuser Nilufar Xudoyberdieva. Filmda rollarni Alisher Otaboev, Muhammadiso Abdulxairov, Muyassar Berdiqulova, Shohida Uzoqova, Behruz Tohirov, Xurshida Soatova, Yunus Asqarov, Alisher Farmonovlar ijro etishgan.
