Бугун Ёшлар ижод саройида “Ўзбеккино” Миллий агентлиги ҳамда “Last Media” МЧЖ билан ҳамкорликда суратга олинган “Миллионер Жонибек” фильмининг илк премьераси ўтказилди. Бу ҳақда "Ўзбеккино" Миллий агентлиги Ахборот хизмати хабар қилди.
Премьера аввалида фильм ижодкорлари саҳнага таклиф қилиниб, тасвирга олиш жараёнлари, ижодий жамоанинг ҳамда агентликнинг биргаликдаги ҳамкорлиги ҳақида гапирилди. Томошабинлар янги комедияни илиқ кутиб олишди.
“Миллионер Жонибек” фильмининг бадиий раҳбари Рустам Сагдиев, постановкачи режиссёр Зоҳиджон Зокиров, сценарий муаллифлари Нилуфар Худойбердиева ва Шоира Ғиёсова, постановкачи оператор Диёр Адашев, рассом Охун Шарипов, либослар бўйича рассом Индира Абдуллаева, режиссёр ёрдамчиси Шахриёр Холмуродов ҳамда продюсер Нилуфар Худойбердиева. Фильмда ролларни Алишер Отабоев, Муҳаммадисо Абдулхаиров, Муяссар Бердиқулова, Шоҳида Узоқова, Беҳруз Тоҳиров, Хуршида Соатова, Юнус Асқаров, Алишер Фармоновлар ижро этишган.
