Turkiyaning Izmir shahrida polisiya xodimlari O`zbekistondan kelgan ayollarni fohishalik bilan shug`ullanishga majburlayotgan jinoiy guruh aniqlangan.
Bu haqda turk OAVga tayanib Sputnik O`zbekiston xabar berdi.
Unda aytilishicha, Huquq-tartibot idoralari xodimlari 6 kishini hibsga oldi. Ular izidan taxminan 4 oy davomida kuzatuv olib borilgan.
Maxsus operasiya bir vaqtning o`zida shaharning turli qismlarida amalga oshirildi. Polisiya Rossiya, Ukraina, O`zbekiston va Qirg`iziston fuqarolari saqlangan bir nechta “priton-kvartiralar”ni topdi. Jami 8 nafar ayol qutqarildi, ular kaltaklanib, psixologik bosim orqali fohishalikka majburlangan.
Jinoiy ish qo`zg`atildi. Ayollarni o`z vataniga deportasiya qilish masalasi hal qilinmoqda.
