Hindiston hukumati 59 ta Xitoy dasturini umrbodga blokladi, ular ichida TikTok ijtimoiy tarmog`i ham bor. Bu haqda Hindistonning " Economic Times" nashri xabar bermoqda.
Hindiston Axborot texnologiya vazirligi (MeitY) Xitoy dasturlari xavfsizligi agentlik talablariga javob bermasligi haqida o`tgan hafta xabar bergan edi. Natijada mamlakat hukumati 59 ta Xitoy dasturini doimiy ravishda blokladi.
Hindistonda 2020 yilning 2 sentyabr kuni ham 118 dan ortiq onlayn platforma va dasturlar bloklangan edi. Ushbu dasturlar orasida onlayn savdo do`koni AliExpress ham bor edi.
Shuningdek, Xitoyning mashhur dasturlari sanalgan PUBG Mobile, Snack Video, Cam Card, WeWorkChina va WeDate dasturlari ham hindistonliklar uchun hukumat tomonidan yopilgan platformalardir.
