Rossiya Federasiyasining Ryazan, Leningrad, Kaluga, Voronej va Kursk viloyatlaridagi “MSK Garant” MChJda ishlash istagida bo`lgan fuqarolar bo`sh ish o`rinlari uchun o`tkaziladigan tanlovlarga taklif etiladi. Bu haqda Tashqi mehnat migrasiyasi agentligi xabar berdi.
Xabarda aytilishija, qo`ziqorin etishtirishda (qo`ziqorin terish, issiqxonada parvarishlash) quyidagi shartlarga ko`ra bo`sh ish o`rinlari mavjud:
- ishchilar soni – 600 nafar;
- ish grafigi – 6 kun ish, 1 kun dam olish kuni (bir kunlik ish vaqti 11 soat);
- ish haqi – 30 – 60 ming rubl atrofida (ish sifati va miqdoriga qarab, daromad solig`idan tashqari 1 kg terim uchun 10 rubl hamda oy davomida bajarilgan ishga ko`ra rag`batlantirish mavjud);
- 3 mahal ovqat ish beruvchi hisobidan;
- ishchilar yoshi – 25 yoshdan 45 yoshgacha bo`lgan erkak va ayollar (bo`yi 160 sm dan kam bo`lmagan);
- O`zbekistondan ish joyiga etib borish xarajatlari fuqaro hisobidan;
- yotoqxona xarajatlari ish beruvchi hisobidan;
- Rossiya Federasiyasiga etib borgandan so`ng aeroportdan yotoqxonaga va yotoqxonadan ish joyiga etib borish ish beruvchi transportida bepul amalga oshiriladi;
- patent rasmiylashtirish bo`yicha ish beruvchi yuridik yordam ko`rsatadi. Agar patent rasmiylashtirish uchun fuqaroning mablag`i bo`lmasa, ish beruvchi tomonidan Rossiya Federasiyasi kredit tashkilotidan xodimning oylik maoshidan qisman ushlab qolish sharti bilan kredit rasmiylashtirishga ko`maklashiladi.
