Sirdaryo viloyatida yashovchi bir guruh jinoiy guruh a`zolari tomonidan tadbirkorlar va fuqarolarga zo`ravonlik o`tkazish orqali tovlamachilik va qo`rqitish yo`li bilan “ulush” undirib kelganlar qo`lga olinganligi to`g`risida xabar bergan edik. Bugun ham aynan shu yo`l bilan boyish ilinjida bo`lgan yana bir jinoiy to`da xarakatlariga chek qo`yildi. Bu haqda Sirdaryo viloyati IIB Axborot xizmati xabar berdi.
O`zbekiston Respublikasi IIV, DXX, Sirdaryo viloyati IIB hamda DXX Sirdaryo viloyat Boshqarmasi xodimlariga kelib tushgan ma`lumotlarga ko`ra fuqarolar A.E, R.Blar viloyat xududida faoliyat ko`rsatuvchi bir necha xususiy klinika, apteka, issiqxona, avtomobillarga yoqilg`i quyish shahobchalari, tijorat do`konlari va boshqa tarmoq savdo majmualarini o`z ichiga olgan MChJ raxbari – xususiy tadbirkor D.Mning joriy yilning 5 fevral kuni yashash manzilidan onasi K.Ini to`yxonaga olib borish maqsadida boshqaruvidagi “Malibu-2” avtomashinasida chiqib xarakalanib ketayotgan vaqti uning oldidan notanish “Neksiya-2” rusumli avtomashina to`sib, undan o`ziga oldindan tanish bo`lgan va muqaddam bir necha marotaba sudlangan A. E. (taxallusi Mesny) o`zining 2 nafar niqoblangan sheriklari bilan D.M bo`yniga o`tkir tig`li pichoq tirab, ularga zudlik bilan 45.000 AQSh dollari miqdoridagi pullarni to`lab berishini talab qilib, bu xaqda huquq tartibot idoralariga xabar qilgan taqdirda onasini guvoxligida o`ldirib ketishlari va hech narsadan qaytmasliklari xaqida taxdid qilib, bir necha kunga muxlat berishgan. Shundan so`ng A.E o`zi singari muqaddam bir necha marotaba sudlangan R.B (taxallusi boksyor) bilan birga jabrlanuvchi D.M ning yashash manziliga borib, talab qilingan pullardan 17.000 AQSh dollarini zudlik bilan topib berishini yoki bo`lmasa hozirda JIEMlarda jazoni o`tab kelayotgan tanishlarini chiqartirishni yoxud noqonuniy giyoxvand moddalari bilan muomala qilganligi uchun hozirda Sirdaryo viloyati IIB Tergov organlari ish yurituvida bo`lgan jinoyat ishi bo`yicha “QAMOQ”ga olingan R.B ning qarindoshi K. B. ni har qanday yo`llar bilan bo`lsada jinoiy javobgarlikdan chiqarib berishni talab qilishib o`ldirish bilan taxdid qilgan.
Mazkur xolat yuzasidan O`zbekiston Respublikasi IIV, DXX, Sirdaryo viloyati IIB hamda DXX Sirdaryo viloyat Boshqarmasi xodimlari tomonidan hamkorlikda o`tkazilgan tezkor tadbirlar natijasida, fuqarolar A.E hamda R.B lar jabrlanuvchi D.M dan tovlamachilik yo`li bilan talab qilingan pullardan bir qismini yani 10.000 AQSh dollari(kimyoviy ishlov berilgan)ni olgan vaqti daliliy ashyolar bilan qo`lga olindi.
Hozirda xolat yuzasidan Sirdaryo viloyat IIB Tergov Boshqarmasi tomonidan O`zbekiston Respublikasi JKning 165- moddasining tegishli qismlari bilan jinoyat ishi qo`zg`atilib, jinoyatchilar O`zbekiston Respublikasi JPKning 221-moddasi asosida ushlangan. Xozirda tergov harakatlari davom etmoqda.
