«Barselona» hujumchisi Lionel Messi braziliyalik futbol qiroli Pelening rekordini yangilashda kiygan butsalarini Kataloniya muzeyiga sovg`a qildi.
RAC1'ning xabar qilishicha, butsalar 1 oy davomida muzeyda namoyish etiladi, so`ng kimoshdi savdosida sotiladi. Daromad saraton kasalligiga chalingan bolalarni davolaydigan kasalxonaga beriladi.
Eslatib o`tamiz, Messi dekabr oyida «Valyadolid» darvozasiga «Barselona»dagi 644-to`pini kiritgan va Pelening bir jamoada urilgan gollar soni bo`yicha rekordini («Santos»da, 643 gol) yangilagan edi.
