2021 yilning 14 yanvar kuni soat 11:30larda Navoiy viloyati Zarafshon shahar Tibbiyot birlashmasiga 21 yoshli Jasurbek T., harbiy ust-bosh kiyimda kelib, hamshira bo`lib ishlovchi 24 yoshli Nilufar N., bilan yaqindan tanishib, unga uylanishini lekin onasi og`ir betob bo`lib, jarrohlik amaliyoti o`tkazilishi uchun pul kerakligini, pullarini 3 kun ichida qaytarib olib kelib berishini va`da qilib, unga tegishli jami narxi 4 950 000 so`mlik tilla-taqinchoqlarini va hisobida 510 ming so`m puli bo`lgan plastik kartasini firibgarlik yo`li bilan qo`lga kiritib, bergan va`dasini bajarmasdan hodisa sodir bo`lgan joydan yashiringan. Bu haqda IIV huzuridagi Tergov departamenti ma`lum qildi.
Mazkur holat Zarafshon shahar IIB huzuridagi Tergov bo`linmasi tomonidan Jasurbek T., ga nisbatan O`zbekiston Respublikasi Jinoyat kodeksining 168-moddasi 1-qismi (firibgarlik) bilan jinoyat ishi qo`zg`atilgan.
Dastlabki tergov davomida Jasurbek T., muqaddam firibgarlik va o`g`irlik jinoyatlari uchun sudlanib, hech qaerda ishlamasligi aniqlangan.
Hozirda tergov davom etmoqda.