O`zbekiston Respublikasi ta`lim muassasalariga o`qishga qabul qilish bo`yicha Davlat komissiyasining 10-son bayoni bilan 2021-2022-o`quv yili uchun respublika oliy ta`lim muassasalarining bakalavriat ta`lim yo`nalishlariga mos test sinovi topshiriladigan fanlar majmuasi, test topshiriqlari soni hamda baholash mezonlari tasdiqlandi. Bu haqda Davlat test markazi xabar berdi.
Uzbekiston Respublikasi ta`lim muassasalariga qabul qilish bo`yicha, Davlat komissiyasining 2021 yil 7 martdagi 10-son bayonining 8-ilovasiga ko`ra, bu yilgi abiturientlar avvalroq taxmin qilinganidek, 5 ta fandan imtihon topshiradi va jami 105 ta svolni ishlashlari kerak bo`ladi. Ularning to`plashi mumkin bo`lgan maksimal balli 280,5 ballni tashkil etmoqda.
Shuningdek:
* Abiturientlar uchun 3 ta fan majburiy hisoblanadi.
* Maksimal to`plash mumkin bo`lgan ball – 94,5 ball. Shundan:
- ona tili (o`zbek, rus, qoraqalpoq va boshqa tillar) – jami 15 ta savol, to`g`ri javob uchun - 2,1 ball. Maksimal ball - 31, 5.
- Matematika – jami 15 ta savol, to`g`ri javob uchun - 2,1 ball. Maksimal ball - 31, 5.
- O`zbekiston tarixi – jami 15 ta savol, to`g`ri javob uchun - 2,1 ball. Maksimal ball - 31, 5.
Bakalavriat ta`lim yo`nalishiga mos 2 ta fan savollaridan maksimal to`plash mumkin bo`lgan ball – 186 ball. Shunda:
- 1-fan – 30 ta savol, to`g`ri javob uchun - 3,1 ball. Maksimal ball - 93.
- 2-fan – 30 ta savol, to`g`ri javob uchun - 3,1 ball. Maksimal ball - 93.
Fanlar va yo`nalishlar bo`yicha batafsil qo`yidagi havola orqali bilib olishingiz mumkin.
