Kecha Bosh vazir Abdulla Aripov raisligida o`tgan videoselektor yig`ilishida berilgan topshiriqqa ko`ra, avtomobil transportida yo`lovchi tashishda sanitariya-gigiena qoidalariga amal qilinishini e`tiborga olish lozimligi belgilandi. Bu haqda Qashqadaryo viloyati transport boshqarmasi Axborot xizmati xabar bermoqda.
Shundan kelib chiqib, joriy yilning 17 mart kunidan jamoat transporti (avtobus, mikroavtobus, yo`nalishsiz taksi) xizmatidan foydalanganda, haydovchi va yo`lovchilar albatta tibbiy niqobda bo`lishi kerakligini ma`lum qilamiz. Yo`lovchilarning jamoat transportiga niqobsiz chiqishi qat`iyan taqiqlanadi.
Qolaversa, tartibga ko`ra, yo`lovchi tashuvchi transport vositalari har 4 soatda dezinfeksiya qilinishi boshqarma tomonidan nazoratga olinadi.
Ushbu tartib viloyat bo`yicha amal qiladi.
