Er va xotinga nisbatan "shantaj" qilgan voyaga etmagan qizaloq, pul olayotgan vaqtida qo`lga olindi. Bu haqda O`zbekiston Respublikasi IIV huzuridagi Tergov departamenti ma`lum qildi.
25 mart kuni Bekobod shahar IIB boshlig`i nomiga fuqaro 36 yoshli Muhammadorif G., ariza bilan murojaat qilib, turmush o`rtog`ining muqaddam foydalangan abonent raqamidan noma`lum ayol qo`ng`iroq qilib, turmush o`rtog`i Shahlo V., bilan unga tegishli sir saqlanishi lozim bo`lgan o`zaro surat va videoyozuvlarni internet ijtimoiy tarmog`i orqali tarqatib yuborish bilan qo`rqitib, 5.000.000 so`m pul berishini talab qilayotganligini ma`lum qilib, Bekobod shahar 14-dahasi hududidagi “Ziyoda” to`yxonasi yaqinida taksi haydovchisi orqali berib yuborilgan 500 AQSh dollarni noma`lum ayol tovlamachilik yo`li bilan olayotganida IIB xodimlari tomonidan ushlanib, undan 500 AQSh dollar ashyoviy dalil tariqasida olingan.
Tergovga qadar tekshiruv harakatlari davomida, ushbu jinoyatni 9-sinf o`quvchisi 15 yoshli Marjona X.,sodir etganligi aniqlanib, u Shahlo v.,ga tegishli bo`lgan abonent raqamni sotib olib, ushbu raqamga “Telegram messenger” ochib, eski xotiralarni tiklashi natijasida o`zga shaxslarning foto va videosuratlarini qo`lga kiritgan.
Mazkur holat yuzasidan Bekobod shahar IIB huzuridagi Tergov bo`limi tomonidan voyaga etmagan Marjona X., ga nisbatan O`zbekiston Respublikasi Jinoyat kodeksining 165-moddasi 1-qismi (Tovlamachilik) bilan jinoyat ishi qo`zg`atilib, gumon qilinuvchi tariqasida jalb qilingan.
Hozirda tergov harakatlari olib borilmoqda.
Ta`kidlash joizki, bu turdagi jinoyatlar uchun Jinoyat kodeksining normalariga ko`ra, 3 yildan 5 yilgacha ozodlikni cheklash yoxud 3 yildan 5 yilgacha ozodlikdan mahrum qilish jazosi tayinlanadi.
