Bugun, 5 aprel sanasidan e`tiboran “Uzbekistan airways” aviakompaniyasi Toshkent – Namangan – Toshkent yo`nalishida muntazam qatnovlarni qayta tikladi. Bu haqda Transport vazirligi Axborot xizmati xabar berdi.
Erta tongda “Namangan xalqaro aeroporti” MChJga Toshkent – Namangan yo`nalishida parvozni amalga oshirgan Airbus A-320 rusumli havo kemasi kelib qo`ndi. Ushbu reys orqali 51 nafar hamyurtimiz o`z manziliga etkazildi.
Mazkur yo`nalishda parvozlar haftada ikki marotaba dushanba va payshanba kunlari quyidagi jadval asosida amalga oshiriladi.
HY 095 Toshkent – Namangan 08:30/09:30
HY 096 Namangan – Toshkent 10:30/11:30
Ma`lumot uchun telefon: +998 78 140 02 00
