Bu haqda Senat Raisi Tanzila Narbaeva Toshkent viloyati hokimligida o`tkazilgan videoselektor yig`ilishida ma`lum qildi. Bu haqda Toshkent viloyati hokimligi axborot xizmati xabar berdi.
"2020 yil 6 oktyabr kuni o`tkazilgan sayyor yig`ilishda belgilangan vazifalar ham tizimli ravishda bajarilmoqda. Byudjetga jami 445 mlrd. so`m, shundan mahalliy byudjetga 244 mlrd. so`m qo`shimcha daromad manbaalari aniqlanib, 83,2 mlrd. so`m qo`shimcha soliqlar hisoblanishi ta`minlanadi. Mahalliylashtirish bo`yicha 7 ta istiqbolsiz loyihalar 14 ta yangi loyihalar bilan almashtirildi.
Shuningdek, Senat qarori bilan viloyatda ijrosi ta`minlanmagan umumiy qiymati 294,4 mlrd. so`mlik 12 ta loyiha ishga tushirilishiga erishildi. Mahalliy byudjetdan maqsadli va samarali foydalanishda qonunbuzarlikka yo`l qo`ygan 50 nafar mansabdor javobgarlikka tortilib, ular tomonidan etkazilgan 1 mlrd. so`mlik zarar undirildi. Byudjetga esa 22 mlrd. so`m miqdoridagi soliqlar to`lanishiga erishildi", - degan Senat raisi o`z nutqida.
